יום שישי , נובמבר 8 2019
heen

תהלים פרק ח – 2012

תהלים פרק ח  – 2012


תהלים פרק ח
 

 

 

תהלים פרק ח

תהלים פרק ח

ח למנצח על-הגתית, מזמור לדוד:
2 יהוה אדנינו, מה-אדיר שמך בכל-הארץ; אשר תנה הודך, על-השמים:
3 מפי עוללים וינקים יסדת עז למען צורריך; להשבית אויב, ומתנקם:
4 כי-אראה שמיך מעשי אצבעתיך; ירח וכוכבים, אשר כוננתה:
5 מה-אנוש כי-תזכרנו; ובן-אדם, כי תפקדנו:
6 ותחסרהו מעט מאלהים; וכבוד והדר תעטרהו:
7 תמשילהו במעשי ידיך; כל שתה תחת-רגליו:
8 צנה ואלפים כלם; וגם, בהמות שדי:
9 צפור שמים ודגי הים; עבר, ארחות ימים:
10 יהוה אדנינו; מה-אדיר שמך, בכל-הארץ:

 

 

תהלים פרק ט

תהלים פרק ט

ט לַמְנַצֵּחַ עַלְמוּת לַבֵּן, מִזְמוֹר לְדָוִד׃
2 אוֹדֶה יְהוָה בְּכָל־לִבִּי; אֲסַפְּרָה, כָּל־נִפְלְאוֹתֶיךָ׃
3 אֶשְׂמְחָה וְאֶעֶלְצָה בָךְ; אֲזַמְּרָה שִׁמְךָ עֶלְיוֹן׃
4 בְּשׁוּב־אוֹיְבַי אָחוֹר; יִכָּשְׁלוּ וְיֹאבְדוּ, מִפָּנֶיךָ׃
5 כִּי־עָשִׂיתָ מִשְׁפָּטִי וְדִינִי; יָשַׁבְתָּ לְכִסֵּא, שׁוֹפֵט צֶדֶק׃
6 גָּעַרְתָּ גוֹיִם אִבַּדְתָּ רָשָׁע; שְׁמָם מָחִיתָ, לְעוֹלָם וָעֶד׃
7 הָאוֹיֵב תַּמּוּ חֳרָבוֹת, לָנֶצַח וְעָרִים נָתַשְׁתָּ; אָבַד זִכְרָם הֵמָּה׃
8 וַיהוָה לְעוֹלָם יֵשֵׁב; כּוֹנֵן לַמִּשְׁפָּט כִּסְאוֹ׃
9 וְהוּא, יִשְׁפֹּט־תֵּבֵל בְּצֶדֶק; יָדִין לְאֻמִּים, בְּמֵישָׁרִים׃
10 וִיהִי יְהוָה מִשְׂגָּב לַדָּךְ; מִשְׂגָּב, לְעִתּוֹת בַּצָּרָה׃
11 וְיִבְטְחוּ בְךָ יוֹדְעֵי שְׁמֶךָ; כִּי לֹא־עָזַבְתָּ דֹרְשֶׁיךָ יְהוָה׃
12 זַמְּרוּ, לַיהוָה יֹשֵׁב צִיּוֹן; הַגִּידוּ בָעַמִּים, עֲלִילוֹתָיו׃
13 כִּי־דֹרֵשׁ דָּמִים אוֹתָם זָכָר; לֹא־שָׁכַח, צַעֲקַת עֲנִיִּים (עֲנָוִים)׃
14 חָנְנֵנִי יְהוָה, רְאֵה עָנְיִי מִשֹּׂנְאָי; מְרוֹמְמִי, מִשַּׁעֲרֵי מָוֶת׃
15 לְמַעַן אֲסַפְּרָה, כָּל־תְּהִלָּתֶיךָ בְּשַׁעֲרֵי בַת־צִיּוֹן; אָגִילָה, בִּישׁוּעָתֶךָ׃
16 טָבְעוּ גוֹיִם בְּשַׁחַת עָשׂוּ; בְּרֶשֶׁת־זוּ טָמָנוּ, נִלְכְּדָה רַגְלָם׃

תהלים פרק ט

17 נוֹדַע יְהוָה מִשְׁפָּט עָשָׂה בְּפֹעַל כַּפָּיו נוֹקֵשׁ רָשָׁע; הִגָּיוֹן סֶלָה׃
18 יָשׁוּבוּ רְשָׁעִים לִשְׁאוֹלָה; כָּל־גּוֹיִם, שְׁכֵחֵי אֱלֹהִים׃
19 כִּי לֹא לָנֶצַח יִשָּׁכַח אֶבְיוֹן; תִּקְוַת עֲנָוִים (עֲנִיִּים), תֹּאבַד לָעַד׃
20 קוּמָה יְהוָה אַל־יָעֹז אֱנוֹשׁ; יִשָּׁפְטוּ גוֹיִם, עַל־פָּנֶיךָ׃
21 שִׁיתָה יְהוָה מוֹרָה, לָהֶם יֵדְעוּ גוֹיִם; אֱנוֹשׁ הֵמָּה סֶּלָה׃

ראה גם

הראשונה אל הקורינתים פרק ה פס’ 6-8

הראשונה אל הקורינתים פרק ה פס’ 6-8 להאזנה לחצו כאן! http://2echad.com/drashot/nosim/2018/corinthians1_5_6_8_yair.MP3

כתיבת תגובה