יום חמישי , אוגוסט 15 2019
heen

חסד – מהו חסד

חסד – מהו חסד

להאזנה לדרשה לחצו כאן: חסד – מהו חסד

 

 

 

 

חסד – מהו חסד

תהלים פרק עד

עד משכיל, לאסף למה אלהים זנחת לנצח; יעשן אפך, בצאן מרעיתך:
2 זכר עדתך קנית קדם, גאלת שבט נחלתך; הר-ציון, זה שכנת בו:
3 הרימה פעמיך למשאות נצח; כל-הרע אויב בקדש:
4 שאגו צרריך בקרב מועדך; שמו אותתם אתות:
5 יודע כמביא למעלה; בסבך-עץ, קרדמות:
6 ועת (ועתה) פתוחיה יחד; בכשיל וכילפת, יהלמון:
7 שלחו באש מקדשך; לארץ, חללו משכן-שמך:
8 אמרו בלבם נינם יחד; שרפו כל-מועדי-אל בארץ:
9 אותתינו, לא ראינו אין-עוד נביא; ולא-אתנו, ידע עד-מה:

פסוק 10

10 עד-מתי אלהים יחרף צר; ינאץ אויב שמך לנצח:
11 למה תשיב ידך וימינך; מקרב חוקך (חיקך) כלה:
12 ואלהים מלכי מקדם; פעל ישועות, בקרב הארץ:
13 אתה פוררת בעזך ים; שברת ראשי תנינים, על-המים:
14 אתה רצצת ראשי לויתן; תתננו מאכל, לעם לציים:
15 אתה בקעת מעין ונחל; אתה הובשת, נהרות איתן:
16 לך יום אף-לך לילה; אתה הכינות, מאור ושמש:
17 אתה הצבת כל-גבולות ארץ; קיץ וחרף, אתה יצרתם:
18 זכר-זאת, אויב חרף יהוה; ועם נבל, נאצו שמך:

פסוק 19

19 אל-תתן לחית נפש תורך; חית ענייך, אל-תשכח לנצח:
20 הבט לברית; כי מלאו מחשכי-ארץ, נאות חמס:
21 אל-ישב דך נכלם; עני ואביון, יהללו שמך:
22 קומה אלהים ריבה ריבך; זכר חרפתך מני-נבל, כל-היום:
23 אל-תשכח קול צרריך; שאון קמיך, עלה תמיד:

 

תהלים פרק עה

עה למנצח אל-תשחת; מזמור לאסף שיר:
2 הודינו לך אלהים, הודינו וקרוב שמך; ספרו, נפלאותיך:
3 כי אקח מועד; אני, מישרים אשפט:
4 נמגים, ארץ וכל-ישביה; אנכי תכנתי עמודיה סלה:
5 אמרתי להוללים אל-תהלו; ולרשעים, אל-תרימו קרן:

פסוק 6

6 אל-תרימו למרום קרנכם; תדברו בצואר עתק:
7 כי לא ממוצא וממערב; ולא, ממדבר הרים:
8 כי-אלהים שפט; זה ישפיל, וזה ירים:
9 כי כוס ביד-יהוה ויין חמר מלא מסך ויגר מזה אך-שמריה ימצו ישתו; כל, רשעי-ארץ:
10 ואני אגיד לעלם; אזמרה, לאלהי יעקב:
11 וכל-קרני רשעים אגדע; תרוממנה, קרנות צדיק:

חסד – מהו חסד

ראה גם

הראשונה אל הקורינתים פרק ה פס’ 6-8

הראשונה אל הקורינתים פרק ה פס’ 6-8 להאזנה לחצו כאן! http://2echad.com/drashot/nosim/2018/corinthians1_5_6_8_yair.MP3